الفرح الواعد
2 مشترك
صفحة 1 من اصل 1
الفرح الواعد
الفرح الواعد لا أحلام مرت في النوم ولا أوهام كل لحظة تعاود أصلو البي بسببك إنت إنت هناي وفرحي الواعد إنت سعادتي وإنت شقاي نوري وناري في آن واحد إنت حياتي ياأمورة وبيك ولهان القلب الرايد حاول ينسي غرامك مرة إلا الذكري دوام بتعاود مابسهولة عاد ينساك كيف ينساه الحب الخالد **** كم طشيت في صحاري الريد وكم زازيت في حبك أطارد ياما تهتا وما إستسلمت رغم عناي لي قربك قاصد مر خيالك لي زي واحة فيها الموية وظلاً بارد شربت رويت أنا يا عيني وعاد أملي الكان لي باعد **** أه يالغربة الطعمك مر وأه ياليل البعد الجاحد وأه يالفرقة الليلة طويل طول الليل معاك مساهد لما خيالك يغدر بي يطوف العين في لحظة يباعد أكره أعيش في الدنيا بدونك وأكره أكون في الكون متواجد **** عبلة وعنتر ختمو الريد ريدي وريدك فوقهم زائد لمن عنتر أصبح شاعر قال في عبله أحلي قصائد عشان عينيك بقول أشعاري ألعن فيها الزمن الجاحد وراضي يروح العمر فداك الله بيعلم وحبك شاهد ***** رغم البي إخترتو براي وماكان لي غير أفضل صامد ولما قبيل إخترت الغربة قايل دائما ثابت وجامد وحتي القلب الصابر ديمة بعد فراقك أصبح نافد بقيت إصبر يوم وراء يوم وراجي أشوفو خيالك عائد إبراهيم عبدالغفار |
شايقي أصيل- المساهمات : 4
تاريخ التسجيل : 06/12/2008
رد: الفرح الواعد
رائع رائع رائع
ولك جزيل الشكر اخي الشايقي
تحياتي
ولك جزيل الشكر اخي الشايقي
تحياتي
ماريا- المساهمات : 1
تاريخ التسجيل : 13/02/2009
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى